पूर्वप्रधानमन्त्री बोरिस जोनसनले तत्काल लागू हुनेगरी सांसद पदबाट राजीनामा दिए

एजेन्सी । बेलायतका पूर्वप्रधानमन्त्री बोरिस जोनसनले तत्काल लागू हुनेगरी सांसद पदबाट राजीनामा दिएका छन् ।

पदबाट राजीनामा दिएपछि जोनसनले भने, ‘म आफ्नो निर्वाचन क्षेत्र छाड्दा निकै दुःखी छु । मैले यहाँका मेयर र सांसद भएर जनताको सेवा गरें । यो मेरो लागि धेरै सम्मानजनक थियो।

पार्टीगेट काण्डको अनुसन्धान प्रतिवेदनपछि उनले बेलायतको सांसद पदबाट राजीनामा दिएका हुन् । कोरोनाको समयमा उनले लकडाउनको नियम उल्लंघन गरेका थिए । जोनसनमाथि बेलायतको संसदमा गलत बयान दिएको आरोप पनि लागेको थियो ।

बोरिस जोनसनले २०२२ मा प्रधानमन्त्रीको पद छोडे पनि उनी सांसदको रुपमा काम गरिरहेका थिए । तर, पार्टीगेट प्रकरणमा विशेषाधिकार समितिको छानबिन प्रतिवेदन बाहिर आएपछि उनले बेलायती सांसद पदबाट राजीनामा दिएका हुन् ।