लण्डन । लण्डन म्याराथनमा नेपाली धावक गोपीचन्द्र पार्कीले उत्कृष्ट प्रदर्शन गरेका छन् ।
गोपीचन्द्रले २६ माइल दुरीको दौड २ घण्टा २२ मिनेटमा पुरा गरेका हुन् । ५९ हजार ७०५ जनाले सफलतापूर्वक पूरा गरेको उक्त म्याराथनमा उनले २३ औँ स्थान हासिल गरे ।
त्यस्तै, बेलायतवासी नेपाली सन्देश राईले २ घण्टा ३३ मिनेट, प्रकाश गुरुङले २ घण्टा ३९ मिनेट, सन्तोष राईले २ घण्टा ४७ मिनेट, चन्दन गुरुङले २ घण्टा ५४ मिनेट, मन्दा गुरुङले ३ घण्टा ५ मिनेटमा पूरा गरे ।
धावक कुशल दीक्षितले ३ घण्टा ८ मिनेट, तिलविक्रम सम्बाहाम्फेले ३ घण्टा १४ मिनेट, राजेन्द्र गुरुङले ३ घण्टा ३२ मिनेट, धन क्षेत्रीले ३ घण्टा ३५ मिनेट, गौरव गुरुङले ३ घण्टा ३९ मिनेट, पारस गुरुङले ३ घण्टा ४० मिनेटमा पार गरेका छन् ।
दौडमा हरि गुरुङ, पाण्डव महतो, बलदेव कुँवर, आत्माराम दाहाल, मनीषा लिम्बू, दशरथ बस्याल, अमृत श्रेष्ठ, शम्भु कार्की, जगन कार्की, तमु धीं युकेका निवर्तमान अध्यक्ष हितकाजी गुरुङलगायत १५० भन्दा बढी नेपाली धावक सहभागी भएका थिए ।
