लण्डन । बेलायतको सांगीतिक भ्रमणमा रहेका कलाकारद्वय सरुन गुरुङ र ममता गुरुङलाई सहारा युकेको आठौं कार्यसमितिले स्वागत, सम्मान गरेको छ ।
तमु धीं यूकेको निमन्त्रणमा बेलायत आएका गायक सरुन र गायिका ममतालाई अल्डरसटमा बुधबार १० जनवरी २०२४ का दिन एक कार्यक्रमबीच सहारा युकेका अध्यक्ष कृष्ण गुरुङ, सल्लाहकार, निवर्तमान अध्यक्ष, पूर्वअध्यक्ष, पदाधिकारी, कार्यसमिति सदस्यहरु र शुभचिन्तकले पुष्पगुच्छा, सहारा यूके लोगो अंकित गलबन्दी र प्रमाणपत्रसहित स्वागत र सम्मान गरेका हुन् ।
कार्यक्रममा चर्चित गायक प्रकाश सपूतलाई पनि स्वागत गरिएको थियो । सपूतले आफ्नो युके भ्रमणको अन्तिम शो यही जनवरी १३ तारिखमा एम्पायर हल अल्डरसटमा हुन लागेको बताए ।
