लण्डन । राजकुमार ह्यारीले बेलायतमा आफू सुरक्षित नभएको बताएका छन् । राजकुमारले आफ्नो परिवार बेलायतमा सुरक्षित महसुस नगरेको बताएका हुन् ।
राजकुमार ह्यारी राजा चार्ल्स तृतियका कान्छो छोरा हुन् । राजकुमारले सन् २०२० मा आफ्नी पत्नी मेगनसँग बेलायती राजपरिवार छाडेका थिए । दुवै जना अमेरिकाको क्यालिफोर्निया गएका थिए ।
राजकुमार ह्यारी बेलायती सरकारविरुद्ध मुद्दा लडिरहेका छन्। बेलायती सरकारले राजकुमार र उनको परिवारलाई जनताको खर्चमा शाही परिवारलाई दिइने सुरक्षा कभर हटाएको थियो।
ह्यारीले सरकारको यो निर्णयलाई सही नभएको भन्दै चुनौती दिएका छन् । लन्डन उच्च अदालतले मंगलबारदेखि यस विषयमा सुनुवाइ गर्दैछ। तर, सुरक्षाका कारण दैनिक सुनुवाइमा सञ्चारमाध्यम र सर्वसाधारणलाई समावेश नसकिएको मिडिया रिपोर्टमा उल्लेख छ ।
राजकुमारले सन् २०२० मा देश छाड्न बाध्य भएको भन्दै अदालतमा दुःख व्यक्त गरेका थिए । राजकुमारले बेलायत आफ्नो घर भएको र आफ्ना छोराछोरीले बेलायतमा घरमै भएको महसुस गरून् भन्ने आफू चाहन्छन् तर सुरक्षाविना यो सम्भव नहुने कुरा दोहोर्याए।
हाल राजकुमार ह्यारीको परिवार बेलायतमा नभई अमेरिकामा बसिरहेको छ । ह्यारीका वकिलहरूले राजकुमारको सुरक्षा व्यवस्थामा परिवर्तन गर्नु तर्कसंगत नभएको बताएका छन् । राजकुमारका वकिलहरूले यसलाई अवैधानिक भनेका छन्।
