शान्ति नेपाली समाज यूकेले पहिलो चरणमा भूकम्प पीडितलाई ३ लाख सहयोग गर्ने

लण्डन। शान्ति नेपाली समाज यूकेले नेपालका भूकम्प पीडितलाई ३ लाख सहयोग गर्ने भएको छ। जाजरकोट केन्द्रबिन्दु बनाएर शुक्रवार साँझ गएको भूकम्पबाट पीडितहरुको लागि शान्ति नेपाली समाज बेलायतले सहयोग गर्ने भएको हो।

संस्थाका अध्यक्ष प्रविण खरालका अनुसार पहिलो चरणमा करिब तीन लाख रुपैयाँ सहयोग गर्ने भएको हो। सो रकम विश्व साईकल यात्रीद्धय अजय मिश्र र भगवत खत्री मार्फत भूकम्प प्रभावित क्षेत्रमा खाध्यन्न वितरण गर्ने तयारी गरिएको छ।

शुक्रबार राति ११ बजेर ४७ मिनेटमा जाजरकोटको रामीडाँडा केन्द्रबिन्दु भएर ६.४ रेक्टर स्केलको भूकम्प गएको थियो। भूकम्पमा परी जाजरकोट र रुकुम पश्चिममा १ सय ५७ जनाको मृत्यु भएको छ।

भूकम्पमा परी दुई सयभन्दा बढी घाइते भएका छन् भने स्थानीयवासीका हजारौँ घरगोठलगायत भौतिक संरचनामा क्षति पुगेको छ।