बेलायतद्वारा खतरनाक प्रजातिकाे अमेरिकी कुकुरमाथि प्रतिबन्ध

लण्डन । कुकुरको बढ्दो आतंकलाई मध्यनजर गर्दै बेलायतले ठूलो निर्णय गरेको छ । अमेरिकाको एक विशेष जातको कुकुरलाई बेलायतले प्रतिबन्ध लगाएको छ ।

बेलायतमा अमेरिकन एक्सएल बुली जातको कुकुरको आतंक बढेपछि यस जातको कुकुरलाई तत्काल प्रतिबन्ध लगाइएको हो ।

बेलायती प्रधानमन्त्री ऋषि सुनक आफैंले शुक्रबार सामाजिक सञ्जालमार्फत यसको पुष्टि गरेका हुन् ।

बुली कुकुरसँग सम्बन्धित धेरै केसहरू विगतमा प्रकाशमा आएका थिए।

यस्तो अवस्थामा मानिसहरूले यो जातको कुकुरमाथि प्रतिबन्ध लगाउन माग गरेका थिए ।