बेलायतले रुसको विद्रोही वाग्नर समूहलाई प्रतिबन्धित आतंकवादी संगठन घोषणा गर्ने, प्रिगोजिनको मृत्युपछि पनि खतरा कायमै

लण्डन । बेलायतले बुधबार रुसको विद्रोही समूह वाग्नर समूहलाई प्रतिबन्धित आतंकवादी संगठन घोषणा गरेको छ ।

वाग्नर समूहका प्रमुख येभगेनी प्रिगोजिनको मृत्युपछि पनि यो समूह विश्वव्यापी सुरक्षाका लागि खतरा रहेको बेलायतले जनाएको छ ।

बेलायती सरकारले आतंकवाद ऐन अन्तर्गत समूहलाई प्रतिबन्ध लगाउन संसदमा प्रस्ताव पेश गर्ने बताएको छ।

प्रस्तावलाई सांसदहरूले अनुमोदन गरेपछि वाग्नर समूहको सदस्यता र समर्थनमा प्रतिबन्ध लगाइनेछ।

सरकारले युक्रेनविरुद्ध रुसको युद्धमा वाग्नर समूहको प्रमुख भूमिका रहेको बताएको छ ।