बेलायती प्रधानमन्त्री ऋषि सुनकको घरमा कार ठोक्कियो, एक जना पक्राउ

लण्डन । बेलायती प्रधानमन्त्री ऋषि सुनकको घर र कार्यालयमा कार ठोक्किएको छ ।

रोयटर्सको रिपोर्ट अनुसार बिहीबार लन्डनको डाउनिङ स्ट्रिटको गेटमा कार ठोक्किएपछि एक व्यक्तिलाई पक्राउ गरिएको प्रहरीले जनाएको छ।

डाउनिङ स्ट्रिट विश्वको प्रसिद्ध ठाउँहरूमध्ये एक हो, जहाँ बेलायती प्रधानमन्त्री ऋषि सुनकको घर र कार्यालय रहेको छ।

बीबीसीका अनुसार कार गेटमा ठोक्किएपछि अधिकारीहरूले व्हाइटहल रोड बन्द गरेका थिए।

सामाजिक सञ्जालमा शेयर गरिएको भिडियो फुटेजमा सेतो रंगको कार गेट नजिकै पार्क गरिएको बोनेट खुला रहेको देखिन्छ।

दुर्घटना नियोजित हो वा दुर्घटना हो भन्ने अहिले नै खुलेको छैन ।