नेपाल पाकिस्तान ‘ए’सँग पराजित

काठमाडौँ। नेपाली क्रिकेट टिम पाकिस्तान ‘ए’ टिमसँग पराजित भएको छ। एसीसी मेन्स इमर्जिङ टिम्स एसिया कप अन्तर्गतको खेलमा नेपाल पराजित भएको हो।

श्रीलंकाको कोलम्बो क्रिकेट क्लब मैदानमा नेपालले दिएको १८० रनको लक्ष्य पछ्याएको पाकिस्तान ‘ए’ले ३२.५ ओभरमा ६ विकेट गुमाएर भेटाएको हो।

सुरुमा ब्याटिङ गरेको नेपालको लागि सोमपाल कामीले अर्धशतक प्रहार गरेका थिए। नेपालका लागि नवौं नम्बरमा ब्याटिङ गरेका सोमपाल कामीले सर्वाधिक ७५ रन बनाए। उनले १०१ बल खेल्दै ९ चौका र २ छक्का प्रहार गरेका हुन्।

यस्तै प्रतिश जिसीले २६ रन, गुल्सन झाले १३। आसिफ शेखले १२ रन जोडे। कप्तान रोहित पौडेल ४ तथा कुशल भुर्तेल र पवन सर्रफ समान १ रनमा आउट हुँदा भीम सार्कीले खाता समेत खोल्न सकेनन्।