एजेन्सी । भारतले पहिलो पटक आयोजना गर्न लागेको एकदिवसीय विश्वकप क्रिकेटको ट्रफी सार्वजनिक भएको छ । अन्तर्राष्ट्रिय क्रिकेट काउन्सिल (आईसीसी)ले गत सोमबार ट्रफी अन्तरिक्षमा लन्च गरेको हो ।
यससँगै ट्रफीको विश्व भ्रमणको पनि घोषणा गरिएको छ । जुन २७ बाट सुरु हुने वल्र्ड टुर अन्तर्गत १८ देशको भ्रमण गरी यो ट्रफी भारत फर्किनेछ । यो भ्रमण सेप्टेम्बर ४ मा समाप्त हुनेछ ।
आईसीसीले अमेरिकाको निजी अन्तरिक्ष एजेन्सी ‘सेन्ट इनटो स्पेस’को सहयोगमा बेलुनको सहयोगमा ट्रफीलाई अन्तरिक्षमा पठाएको हो । पृथ्वीको सतहबाट १२,००० फिटको उचाइमा पुगेपछि ट्रफीलाई स्ट्र्याटोस्फियरमा अनावरण गरिएको थियो । त्यसपछि ट्रफी अहमदाबादको नरेन्द्र मोदी स्टेडियममा ल्याइयो ।
यसैबीच योपटक भने विश्वकपको ट्रफि नेपाल नआउने भएको छ । यसअघि सन् २०१८ मा विश्वकपको ट्रफि पहिलो पटक नेपालमा ल्याइएको थियो । त्यतिबेला उक्त ट्रफिलाई काठमाडौं र पोखरामा प्रदर्शनमा राखिएको थियो ।
सन् २०२२ मा टि–२० विश्वकपको ट्रफि पनि नेपालका विभिन्न ठाउँमा प्रदर्शन गरिएको थियो ।
विश्वकप ट्रफी कुवेत, बहराइन, मलेसिया, अमेरिका, नाइजेरिया, युगान्डा, फ्रान्स, इटाली, अमेरिका र आयोजक राष्ट्र भारतलगायत विश्वका १८ देशका ४०ं सहरमा पुग्नेछ ।
विश्वकप ट्रफिको भ्रमण तालिकाः
२७ जुनदेखि १४ जुलाई – भारत
१५–१६ जुलाई – न्यूजिल्याण्ड
१७–१८ जुलाई – अष्ट्रेलिया
२५–२७ जुलाई – अमेरिका
२२–२४ जुलाई – भारत
१९–२१ जुलाई – पपुआ न्यूगिनी
२८–३० जुलाई – वेस्ट इन्डिज
३१ जुलाई –४ अगस्ट – पाकिस्तान
५–६ अगस्ट – श्रीलंका
७–९ अगस्ट – बंगलादेश
१०–११ अगस्ट – कुवेत
१२–१३ अगस्ट – बहराइन
१९–२० अगस्ट – फ्रान्स
१६–१८ अगस्ट – इटाली
१४–१५ अगस्ट – भारत
२१–२४ अगस्ट – इंग्ल्याण्ड
२५–२६ अगस्ट – मलेसिया
२७–२८ अगस्ट – युगाण्डा
२९–३० अगस्ट – नाइजेरिया
३१ अगस्ट– ३ सेप्टेम्बर – दक्षिण अफ्रिका
४ सेप्टेम्बर – भारत
