राफायल बेनिटेज सेल्टा भिगोको मुख्य प्रशिक्षकमा नियुक्त

एजेन्सी । इभर्टनबाट बर्खास्त भएपछि क्लबबिहिन भएका राफायल बेनिटेज सेल्टा भिगोको मुख्य प्रशिक्षकमा नियुक्त भएका छन् । बेनिटेजले क्लबसँग तीन वर्षको सम्झौता गरेका छन् ।

कार्लोस कार्भालहाले प्रशिक्षकको पद छोडेपछि क्लब नयाँ प्रशिक्षकको खोजीमा रहेको थियो ।

रियल मड्रिड,लिभरपुल, चेल्सी, इन्टर मिलान, नापोली, भ्यालेन्सिया र न्युकासल, इभर्टनजस्ता क्लबहरुमा काम गरेको अनुभव रहेको उनले सेल्टा भिगोलाई सफलता दिलाउन सक्ने अनुमान गरिएको छ ।