खो खो विश्वकपको उपाधिका लागि आज नेपाली महिला र पुरूष टोलीले भारत सँग खेल्दै

काठमाडौं । नेपालको खो खो महिला र पुरुष राष्ट्रिय टोली भारतमा जारी खो खो विश्वकपको फाइनल खेल आज (आइतबार) हुँदै छ ।

नेपाली महिला टोलीले शनिबार भएको पहिलो सेमिफाइनलमा युगान्डालाई पराजित गर्दै ऐतिहासिक फाइनल यात्रा तय गरेको हो । नयाँ दिल्ली स्थित ईन्दिरा गान्थी ईन्डोर हलमा भएको खेलमा नेपालले युगान्डालाई ८९–१८ ले हरायो ।

नेपालको कुनै पनि टोली कुनै पनि खेलको विश्वकपको फाइनलमा पुगेको यो पहिलो पटक हो । नेपाली महिला टोली अपराजित रहँदै फाईनलमा पुगेको हो । यसैगरी, नेपाली पुरुष टोली पनि इरानलाई ७२–२० को स्कोरले हराउँदै फाइनलमा प्रवेश गरेको हो ।

नेपालले आज भारत सँग उपाधिका लागि खेल्नेछ । नेपाल समूह उपविजेता बन्दै क्रुवाटरफाइनलमा पुगेको थियो ।