काठमाडाैँ । नेपाली राष्ट्रिय फुटबल टोलीले ताजकिस्तानको राष्ट्रिय टिम सँग बुधबार मैत्रीपूर्ण फुटबल खेल्दै छ ।
ताजकिस्तानको दुसनबेमा नेपाल घरेलु टोली सँग साँझ पौने ७ बजे आमने सामने हुन लागेको हो । ताजकिस्तान फिफा वरीयतामा १ सय ११ औं स्थानमा छ । नेपाल र ताजकिस्तानले हाल सम्म तीन खेल खेलेका छन् ।
सन् २०१७ मा दुई पटक र २०१८ मा एक पटक खेल भएका छन् । तीनवटै खेलमा नेपाल पराजित भएको थियो । यी तीन खेलमा ताजकिस्तानले ७ गोल गर्दा नेपालले मात्र १ गोल फर्काएको छ । फिफा वरीयतामा नेपालमा हाल १७६ औं स्थानमा छ ।
एसियन कप सन् २०२३ को अन्तिम आठ सम्म पुगेको ताजकिस्तान विरुद्ध प्रतिस्पर्धा गरेपछि नेपालले डुसान्बेमै शनिबार अफगानिस्तानको सामना गर्नेछ । फिफा वरीयतामा अफगानिस्तान १ सय ५१ औं स्थानमा छ । तर, मैदानमा अफगानिस्तानको स्थिति फरक छ ।
यस अघिका पाँच खेलमा अफगानिस्तानले १ जित, २ हार र ३ बराबरी खेलेको छ । कुवेत सँग २ हार, भारत माथि १ जित तथा कतार र भारत सँगको बराबरी अफगानिस्तानको पछिल्ला नतिजा हुन् । अफगानिस्तानसँगका पछिल्ला ६ भेटमा तीन खेल नेपालले जित्दा दुई खेलमा बराबरी भएको थियो । एक खेल भने अफगानिस्तानले जितेको थियो ।
