फिफा यू–२० को उपाधि उरुग्वेलाई

एजेन्सी । फिफा यू–२० विश्वकपको उपाधि उरुग्वेले जितेको छ । अर्जेन्टिनामा आइबार सम्पन्न फाइनल खेलमा इटालीलाई १–० गोल अन्तरले पराजित गर्दै उरुग्वे च्याम्पियन बनेको हो ।

पहिलो हाफ बराबरीमा रोकिएको थियो । तर, खेलको अन्तिम समयतिर अर्थात् ८६ औँ मिनेटमा लुसिआनो रोड्रीगेजले गोल गर्दै उरुग्वेलाई उपाधि दिलाए ।

उरुग्वेले यू–२० विश्वकपको उपाधि उचालेको यो पहिलो पटक हो । यसअघि दुई पटक फाइनलमा पुगे पनि उपाधि उचाल्न सकेको थिएन । उरुग्वेको जीतसँगै पहिलो पटक यू–२० विश्वकपको फाइनलमा पुगेको इटाली भने उप विजेतामा सीमित भयो ।

अहिलेसम्म यू–२० विश्वकपको सर्वाधिक उपाधि अर्जेन्टिनाले (६ पटक) उचालेको छ । यस्तै, ब्राजिल ५ पटक च्याम्पियन बनेको छ ।