म्यान्चेस्टर सिटीद्वारा चेल्सी पराजित

एजेन्सी । इंग्लिस प्रिमियर लिग फुटबल अन्तर्गत म्यान्चेस्टर सिटीले जित निकालेको छ ।

गएराति भएको खेलमा सिटीले चेल्सीलाई १–० गोलले पराजित गरेको हो । घरेलु मैदान इतिहाडमा सिटीलाई जित दिलाउन एकमात्र गोल खेलको १२ औं मिनेटमा जुलियन अल्भारेजले गरे ।

सिटीले पहिलो रोजाइका खेलाडीलाई बेन्चमा राख्दै दोस्रो रोजाइका खेलाडीहरुलाई चेल्सीविरुद्ध उतारेको थियो ।

जारी सिजनको प्रिमियर लिगको उपाधि सिटीले हात पारिसकेको छ । शनिबार आर्सनल नटिङहम फरेस्टसँग पराजित भएसँगै सिटी तीन खेल अगावै च्याम्पियन बनेको थियो ।

शीर्षस्थानको सिटीको ३६ खेलबाट ८८ अंक छ । चेल्सी समान खेलबाट ४३ अंकका साथ १२ औं स्थानमा छ ।