नेपालले नामिवियालाई दियो १८१ रनको लक्ष्य

काठमाडौँ । नेपालले त्रिदेशीय टी– २०आई सिरिजअन्तर्गत आफ्नो तेस्रो खेलमा नामिबियालाई १८१ रनको लक्ष्य दिएको छ । कुशल मल्लको अर्धशतक मद्दतमा नेपालले सो लक्ष्य प्रस्तुत गरेको हो ।

त्रिवि क्रिकेट मैदानमा टस हारेर ब्याटिङ गरेको नेपालले २० ओभरमा ८ विकेट गुमाउँदै १८० रन बनायो । नेपालका लागि कुशल मल्लले सर्वाधिक नट आउट ५५ रनको योगदान गरे ।

आठौं ओभरमा ६४ रन बनाउदा ४ विकेट गुमाएर दबाबमा परेको नेपाललाई कुशल र आरिफ शेखले उकासे । यो जोडीले पाँचौ विकेटका लागि ८५ रनको साझेदारी गर्यो । आरिफ ३१ रनमा आउट भए । त्यस्तै गुल्शन झा २६, अनिल साह २३, दीपेन्द्रसिंह ऎरी १६ र रोहित पौडेल १० रन बनाएर आउट भए ।