कुवेतविरुद्ध नेपाली बलर सीता रानामगरको ह्याट्रिक विकेट

काठमाडौँ । एसीसी महिला प्रिमियर कप क्रिकेट प्रतियोगितामा नेपाली बलर सीता रानामगरले ह्याट्रिक विकेट लिएकी छन् । मलेसियामा बुधबार कुवेतविरुद्ध भएको खेलमा उनले ह्याट्रिक विकेट लिएकी हुन् ।

रानामगरले १२.२ ओभरमा कुवेतकी ब्याटर प्रियदा मुरलीको विकेट लिएकी थिइन् । लगत्तै १२.३ ओभरमा उनले कुवेतकी मारयम ओमरलाई र १२.४ ओभरमा कुवेतकी कप्तान अमना सरिफ तारिकलाई पेभेलियन फर्काएकी हुन् ।

नेपालले मलेसियामा जारी एसीसी महिला प्रिमियर कप क्रिकेटको सेमिफाइनलमा प्रवेश गरिसकेको छ ।