नेपाललाई भारतले दियो २९८ रनको लक्ष्य

काठमाडौँ । आइसीसी यु– १९ विश्वकपमा भारतले नेपाललाई २९८ रनको लक्ष्य प्रस्तुत गरेको छ । टस जितेर ब्याटिङ गरको भारतले निर्धारित ओभरको खेलमा ५ विकेट गुमाएर २९७ रन बनाएको हो ।

भारतका लागि कप्तान उदय सहरन र सचिन धासले शतकीय इनिङ खेलेका थिए । उदय १०० र सचिन ११६ रन बनाएर पेभेलियन फर्किएका थिए । त्यस्तै आदर्श सिंहले २१, अर्शिन कुलकर्नीले १८ र प्रियंशु मोलियाले १९ रन बनाए । मुसिर खान ९ रनमा अविजित रहे ।

फितलो फिल्डिङ गरेको नेपालका लागि गुल्शन झाले ३ विकेट लिए भने आकाश चन्दले एक विकेट लिए। नेपालले सुपर सिक्सको पहिलो खेलमा बंगलादेशसँग ५ विकेटले पराजित भएको थियो ।