यु-१९ विश्वकप क्रिकेटमा आज नेपाल पाकिस्तानसँग भिड्‌दै

काठमाडौँ । आइसीसी यू-१९ विश्वकप अन्तर्गत आज नेपालले पाकिस्तानविरुद्ध खेल्दै छ ।

समुह डी मा रहेको नेपालको यो खेल नेपाली समयअनुसार दिउँसो १:४५ बजेदेखि शुरु हुँदै छ ।

नेपालले आफ्नो पहिलो खेलमा न्यूजिल्याण्डसँग ६४ रनले पराजित भएको थियो । अहिलेसम्म समुह डी मा न्यूजिल्याण्डले लगातार दोस्रो जित हासिल गरेको छ । न्यूजिल्याण्डले नेपाल र अफगानिस्तानलाई पराजित गरेको थियो ।

त्यस्तै पाकिस्तानले आफ्नो पहिलो खेलमा अफगानिस्तानलाई नै पराजित गरेको थियो । यस समुहमा नेपालले एक र अफगानिस्तानले २ खेल हारको थियो ।

यस विश्वकपमा नेपाल समूह डी मा रहेको छ । यस समूहमा नेपालसँगै पाकिस्तान, अफगानिस्तान र न्युजिल्यान्ड रहेका छन् । नेपालले आफ्नो समुह चरणको अन्तिम खेल जनवरी २६ मा अफगानिस्तानसँग खेल्ने तालिका रहेको छ ।