बंगलादेशका अलराउन्डर नासिर हुसेनलाई दुई वर्ष प्रतिबन्ध

काठमाडौँ । बंगलादेशका अलराउन्डर नासिर हुसेनलाई दुई वर्ष प्रतिबन्ध लागेको छ । हुसेनलाई एन्टी करप्सन संहिता उल्लंघन गरेको आरोपमा प्रतिबन्ध लगाइएको हो ।

सेप्टेम्बर २०२३ मा आइसिसीले लगाएका तीन आरोप हुसेनले स्वीकार गरेका छन् । जसका कारण उनलाई छ महिनाको निलम्बनसहित दुई वर्षको प्रतिबन्ध लगाइएको छ ।

हुसेनलाई २०२०–२१ अबुधाबी टी– १० लिगमा इमिरेट्स क्रिकेट बोर्डको भ्रष्टाचार विरोधी संहिता उल्लंघन गरेको भन्दै आइसिसीले सबै क्रिकेटबाट दुई वर्षको प्रतिबन्ध लगाएको हो । उनी अप्रिल ७, २०२५ मा अन्तर्राष्ट्रिय क्रिकेट खेल्नका लागि योग्य हुनेछन् ।

आइसिसीका अनुसार हुसेनविरुद्धको आरोप उपहार लिएर प्रभावित भएको भन्ने छ । जसमा पाएको आइफोन १२ को रसिद उनले दिन असफल भएका थिए ।