काठमाडौँ । स्टार खेलाडी लियोनल मेसीले फिफा बेस्ट अवार्ड जितेका छन् ।
एमएलएस क्लब इन्टर मायमीका फरवार्ड मेसीले सिटीका स्ट्राइकर अर्लिङ हालान्डलाई पछि पार्दै अवार्ड जितेका हुन् । त्यस्तै, पेरिस सेन्ट जर्मेन (पीएसजी)का फरवार्ड केलियन एमबाप्पे तेस्रो भए । मेसीले तेस्रो पटक फिफा द वेस्टमा उत्कृष्ट पुरुष खेलाडीको अवार्ड जितेका हुन्। मेसीले २०१६ र २०२२ मा पनि अवार्ड जितेका थिए।
सिटीका इडरसन उत्कृष्ट गोलकिपर घोषित हुँदा रियल म्याड्रिडका थिबाउट कोर्तोवा दोस्रो र अल हिलालका यासिन बोनौ तेस्रो बने ।
म्यानचेस्टर सिटीका प्रशिक्षक पेप ग्वार्डिओलाले पुरुष प्रशिक्षकको अवार्ड हात पारेका छन् ।
सिटीले २०२२–२३ मा प्रिमियर लिग, च्याम्पियन्स लिग र एफए कप जितेर ट्रेबल गरेको थियो।
राष्ट्रिय टोलीका प्रशिक्षक र कप्तान, पत्रकार र फिफाको वेबसाइटमा प्रशंसकबाट प्राप्त भोटको आधारमा विजेता घोषणा गरिएको हो । प्रत्येक क्षेत्रका लागि २५ प्रतिशत भोट मानिएको थियो ।
