काठमाडौँ । ललितपुर सिटी एफसीले पोखरा थन्डर्सलाई पराजित गर्दै दोस्रो संस्करणको नेपाल सुपर लिग फुटबल प्रतियोगितको फाइनलमा प्रवेश गर्यो ।
दशरथ रङ्गशालामा बिहीबार भएको खेलमा ललितपुर सिटी एफसीले पोखरा थन्डर्सलाई २–१ गोलअन्तरले पराजित गर्दै प्रतियोगिताको फाइनमा स्थान बनाएको हो ।
ललितपुर सिटी एफसी र पोखरा थन्डर्सबीचको दोस्रो क्वालिफायर खेल अतिरिक्त समयमा गएको थियो । खेलको निर्धारित ९० मिनेटसम्म खेल १–१ गोलको बराबरीमा सकिएपछि खेल ३० मिनेटको अतिरिक्त समयमा गएको हो ।
ललितपुरको जितमा इमो इजिकेल र कुशल देउबाले एक–एक गोल गरे भने पोखराको लागि भने स्टेफन अन्नोरले गोल गरे ।
पहिलो हाफको इन्जुरी समयमा इजिकेलको गोलमार्फत पोखराले अग्रता लियो । खेलको ७१ औँ मिनेटमा ललितपुरका अन्नोरले गोल गर्दै खेललाई एक एक गोलको बराबरीमा ल्याए ।
त्यसपछी खेलको ९९ औँ मिनेटमा कुशलको गोल निर्णायक बन्दा ललितपुरले पोखरामाथी २–१ गोलको रोमाञ्चक जित निकाल्यो ।
खेलको ३३ औं मिनेटमा ललितपुरका निखिल कदमले दाहोरो पहेँलो कार्डसहित रातो कार्ड पाएपछि ललितपुर १० खेलाडीमा सिमित भएको थियो ।
अब फाइनलमा ललितपुरको भेट धनगढी एफसीसँग हुनेछ । दुई टोलीले दोस्रो संस्करणको एनएसएलको उपाधिका लागि शनिबार प्रतिस्पर्धा गर्नेछन् ।
फाइनल खेल त्रिपुरेश्वरस्थित दशरथ रंगशालामा ५ः३० बजे सुरु हुनेछ । यस संस्करणको विजेताले ७० लाख तथा उपविजेताले २० लाख पुरस्कार प्राप्त गर्नेछन् ।
