मलेसियासँगको शृंखला नेपालले जित्यो

काठमाडौँ । नेपालले मलेसियासँगको ५ खेलको टी–२० शृंखला जितेको छ ।

पाँचौ तथा अन्तिम खेलमा मलेसियालाई ३ विकेटले हराउँदै नेपाले शृंखला ३–२ ले जितेको हो ।

घरेलु टोली मलेसियाले जितका लागि दिएको ११० रनको लक्ष्य नेपालले खेल सकिन ४ बल बाँकी छँदा ७ विकेट गुमाएर भेट्यो ।

नेपालको जितमा सिता राना मगरले ३४ रन बनाउँदा रुबिना क्षेत्रीले २३ तथा अप्सरी बेगमले १५ रन बनाइन् ।

पहिला ब्याटिङ थालेको मलेसियाले २० ओभरमा १०९ रन जोडेको थियो ।