नेपाल सुपर लिगमा आज पोखरा र धनगढी तथा झापा र चितवन भिड्ने

काठमाडौँ । नेपाल सुपर लिग (एनएसएल) फुटबलमा शुक्रबार दुई खेल हुनेछन् ।

दिउँसो १ बजे शीर्ष स्थानको पोखरा थन्डर्सले दोस्रो स्थानको धनगढी फुटबल क्लबको सामना गर्नेछ । पोखरा अंक तालिकाको शीर्ष स्थानमा रहेको छ ७ खेल खेलेको पोखराले ४ खेलमा जित, २ खेलमा बराबरी तथा १ खेलमा हार व्यहोरेको छ । समान खेल खेलेको धनगढीले ३ खेलमा जित, ३ खेलमा बराबरी तथा १ खेलमा हार ब्यहोरेर १२ अंक जोडेको छ । पहिलो स्थानमा रहेको पोखरा र दोस्रो स्थानमा रहेको धनगढीबीचको खेल रोमाञ्चक हुनेछ ।

यसैगरि साँझ ५ बजे हुने खेलमा चौथो स्थानको झापा फुटबल क्लबले पुछारमा रहेको चितवन एफ.सीको सामना गर्नेछ । झापाले ७ खेल खेल्दा २ खेलमा जित, ४ खेलमा बराबरी तथा १ खेलमा हार ब्यहोरेर १० अंक जोडी शीर्ष चारमा स्थान बनाएको छ । समान खेल खेलेको चितवनले १ खेलमा जित, ३ खेलमा बराबरी तथा ३ खेलमा हार ब्यहोरेर ६ अंक जोडेको छ । चितवनले शीर्ष चारमा पर्ने सम्भावना गुमाइसकेको छ ।