एफए कपको उपाधिका लागि दुई म्यान्चेस्टर क्लब प्रतिस्पर्धामा

एजेन्सी । एफए कपको फाइनल आज (शनिबार) हुँदैछ । उपाधिका लागि दुई म्यान्चेस्टर क्लबले प्रतिस्पर्धा गर्दैछन् ।

प्रिमियर लिग च्याम्पियन म्यान्चेस्टर सिटी र तेस्रो स्थानमा लिग सकाएको म्यान्चेस्टर युनाइटेडबीच रोचक भिडन्त हुँदैछ । म्यान्चेस्टर डर्बीसमेत रहेको फाइनल खेल लण्डनको वेम्बले स्टेडियममा साँझ ७ः४५ सुरु हुनेछ ।

प्रिमियर लिग विजेता र च्याम्पियन्स लिगको फाइनलमा स्थान बनाइसकेको सिटी एफए कप जित्दै ‘ट्रेबल’ उठाउने दाउमा छ । यता, पछिल्ला खेलहरुबाट लयमा फर्किएको युनाइटेड पनि सिटीलाई सजिलै उपाधि उचाल्न दिनेछैन । तसर्थ आजको फाइनल खेल रोमाञ्चक हुनेछ ।