नेपाल सुपर लिगः स्पोर्टिङ इलाम र एफसी बुटवल लुम्बिनी भिड्दै

काठमाडौँ । नेपाल सुपर लिग (एनएसएल) फुटबलमा आज आइतबार एक खेल हुँदैछ । आज हुने खेलमा स्पोर्टिङ इलाम एफसी र एफसी बुटवल लुम्बिनीले प्रतिस्पर्धा गर्दैछन् ।

दुई टोलीबीचको खेल त्रिपुरेश्वरस्थित दशरथ रंगशालामा ५ः३० बजे सुरु हुनेछ । यसअघि दुई खेलमा नै पराजित बुटवल लुम्बिनी पहिलो जितको खोजीमा छ ।

बुटवल लुम्बिनी पहिलो खेलमा एफसी चितवनसँग २–० गोलले तथा दोस्रो खेलमा धनगढी एफसीसँग १–० गोलले पराजित भएको थियो ।

यस्तै, इलाम भने एक खेलमा जित तथा एक खेलमा पराजित भएको थियो । इलाम पहिलो खेलमा काठमाडौं रेजर्ससँग १–० गोलले पराजित हुँदा दोस्रो खेलमा झापाविरुद्ध १–० को जित निकालेको थियो ।

अंकतालिकामा बुटवल लुम्बिनी अंकविहिन रहँदै पुछारमा छ भने इलाम ३ अंकका साथ छैटौं स्थानमा छ ।