एनएसएलमा धनगढी र ललितपुरको बराबरी

काठमाडौँ । नेपाल सुपर लिग (एनएसएल) अन्तर्गत धनगढी एफसी र ललितपुर सिटी एफसीले गोलरहित बराबरी खेलेका छन् ।

शनिबार दशरथ रङ्गशालामा सम्पन्न खेलमा धनगढी र ललितपुरले गोलरहित बराबरी खेल्दै अङ्क बाँडेका हुन् ।

दुवै टिमले गोल गर्ने केही राम्रा अवसर सिर्जना गरे पनि त्यसलाई सदुपयोग गर्न सकेनन् । खेलको म्यान अफ दि म्याच ललितपुर सिटी एफसीका गोलकिपर जेफ्री विलि मार्सेल घोषित भए । उनले ३० हजार रुपैयाँ प्राप्त गरे ।

बराबरीको नतिजा पछि पनि धनगढी लिगको शीर्ष स्थानमा यथावत छ । धनगढीले ३ खेलबाट ७ अङ्क जोडेको छ । दोस्रो स्थानको ललितपुरको २ खेलबाट ५ अङ्क छ ।

यसअघि आजै भएको अर्को खेलमा झापा एफसी र पोखरा थन्डर्सले पनि १–१ गोलको बराबरी खेल्दै अंक बाँडेका छन् ।