एजेन्सी । टीम इन्डियाका फास्ट बलर मोहम्मद शमीले विश्वकप २०२३ मा तरंग मच्चाइरहेका छन् । बुधबार न्युजिल्याण्डविरुद्धको सेमिफाइनल खेलमा उनले ७ विकेट लिएका थिए । उनको बलिङको आधारमा टीम इन्डियाले न्युजिल्याण्ड टिमलाई ७० रनले पराजित गरेको थियो । अब टिम इन्डियाले फाइनल खेल १९ नोभेम्बरमा अहमदाबादमा खेल्नेछ ।
वानखेडेमा उत्कृष्ट बलिङ गरेका शामीले खेलपछि आफूले अवसरको पर्खाइमा रहेको र त्यसको सदुपयोग गरेकोमा आफू खुसी भएको बताए ।
एकदिवसीय खेलमा भारतीय बलरले ७ विकेट लिएको यो पहिलो पटक हो । यो उत्कृष्ट प्रदर्शनका लागि शमी म्यान अफ द म्याच चुनिए ।
भारतका प्रारम्भिक खेलहरूमा शामीले मौका पाएनन्, तर त्यसपछि उनी प्लेइङ इलेभेनमा परेपछि उनले सानदार बलिङ गरे ।
उनले यस प्रतियोगितामा अहिलेसम्म २३ विकेट लिएका छन् ।
खेलपछि शमीले भने, ‘म आफ्नो मौकाको पर्खाइमा थिएँ । मैले धेरै सीमित ओभरको क्रिकेट खेलेको थिइनँ । मैले न्युजिल्यान्डविरुद्ध पुनरागमन गर्न सफल भए। हामी भिन्नताको बारेमा धेरै कुरा गर्छौं तर मलाई लाग्छ बललाई अगाडि पिच गर्नु र नयाँ बलबाट विकेट लिनु महत्त्वपूर्ण छ।’
भारतले अन्ततः सेमिफाइनलको बाधा पार गरेको बारे शामीले भने, ‘यो ठूलो अनुभूति हो। पछिल्ला दुई विश्वकपमा हामी सेमिफाइनलमा पराजित भयौं । फेरि कहिले यस्तो मौका पाउँछ कसैलाई थाहा छैन, त्यसैले यस पटक हामीले कुनै कसर छोड्न चाहेनौं। यो अवसरलाई हामी हातबाट खेर जान दिन चाहँदैनौं ।’
