एजेन्सी । सन् २०१९ मा घरेलु मैदानमा एकदिवसीय विश्वकप जितेको इङ्ल्यान्ड टोलीले भारतमा आफ्नो उपाधि रक्षा गर्ने अपेक्षा गरिएको थियो। तर जोस बटलरको कप्तानीमा रहेको यो टोली सेमिफाइनलसम्म पुग्न सकेन ।
यो टोली कुनै न कुनै रूपमा नौ खेलमा तीन खेल जितेर २०२५ मा हुने च्याम्पियन्स ट्रफीका लागि छनोट हुन सफल भयो।
विश्वकपपछि इंग्ल्याण्डको टोलीमा ठूलो परिवर्तन देखिएको छ । इंग्ल्यान्डले वेस्ट इन्डिज भ्रमण गर्नुपर्नेछ ।
इंग्ल्याण्ड एण्ड वेल्स क्रिकेट बोर्डले यो भ्रमणका लागि एकदिवसीय र टी–२० टोलीको घोषणा गरेको छ, जसमा ठूलो परिवर्तन गरिएको छ ।
विश्वकपका लागि छनोट भएको टोलीका ९ खेलाडी एकदिवसीय टोलीबाट बाहिरिएका छन् ।
एकदिवसीय शृंखलाका लागि विश्वकप खेलिरहेको इंग्ल्यान्ड टोलीका ६ खेलाडी मात्रै राखिएका छन् । यी खेलाडीमध्ये क्याप्टेन बटलर, ह्यारी ब्रुक, साम कुरान, लियाम लिभिङ्स्टन, गुस इटिङ्सन, ब्रेडन कार्सलाई टिममा राखिएको छ । बाँकी खेलाडी बाहिरिएका छन् ।
ईसीबीले जारी गरेको विज्ञप्तिमा एकदिवसीय टोलीमा ६ खेलाडी राखिएको तर छनोट नभएका खेलाडीको बारेमा भने कुनै जानकारी नभएको बताइएको छ ।
