एजेन्सी । एकदिवसीय विश्वकप २०२३ मा, अहमदाबादको मैदानमा दक्षिण अफ्रिका र अफगानिस्तानबीच खेलिएको ४२औँ खेल एकदिवसीय क्रिकेटको विशेष रेकर्ड बन्यो। यी दुई टोलीबीच नोभेम्बर १० मा भएको खेलमा दक्षिण अफ्रिकाले ५ विकेटले जित हात पारेको थियो ।
एकदिवसीय क्रिकेटको ५२ वर्षको इतिहासमा एक वर्षमा २०० वा सोभन्दा बढी खेल खेलिएको यो पहिलो पटक हो ।
टि२० क्रिकेटको आगमन पछि, धेरै कम टोली एकदिवसीय श्रृंखला खेलेको देखियो। तर, सन् २०२३ मा हुने एकदिवसीय विश्वकपका कारण सहभागी टोलीले निकै चासो देखाएकाले पहिलो पटक २०० ओडीआई खेलको आँकडा छोएको हो ।
यसअघि सन् २००७ मा एकदिवसीय ढाँचामा सबैभन्दा धेरै खेल खेलिएको थियो जसमा त्यो वर्ष कुल १९१ खेल खेलिएको थियो।
यसबाहेक सन् २०२२ मा १६१ एकदिवसीय खेल, सन् २००६ मा १६० एकदिवसीय र सन् १९९९ मा १५४ एकदिवसीय खेल खेलिएको थियो।
सन् २०२३ मा सबैभन्दा धेरै एकदिवसीय खेल खेल्ने टोलीको सूची हेर्दा श्रीलंकाको टोली हाल पहिलो स्थानमा छ, श्रीलंकाले कुल ३१ ओडीआई खेल खेलेको छ।
अहिले भारत र श्रीलंकाको टोली संयुक्त रुपमा दोस्रो स्थानमा छन् । दुवै टोलीले यो वर्ष अहिलेसम्म २९–२९ एकदिवसीय खेल खेलेका छन् । जबकि क्यानडा र जर्सीका टोलीले यो वर्ष अहिलेसम्म सबैभन्दा कम एकदिवसीय खेल खेलेका छन्।
