काठमाडौँ। साफ च्याम्पियनशिपको समूह चरणको ‘ड्र’ सार्वजनिक भएको छ। दक्षिण एसियाली फुटबल महासङ्घले आयोजना गर्ने साफको समूह चरणको ‘ड्र’ सार्वजनिक भएको हो।
बुधवार सार्वजनिक भएको ‘ड्र’ अनुसार नेपाल र भारत एउटै समूहमा परेका छन्। समूह ‘ए’ मा नेपालसँगै भारत, कुवेत र पाकिस्तान रहेका छन्।
त्यस्तै, समूह ‘बी’ मा लेबनान, माल्दिभ्स, भुटान र बङ्गलादेश परेका छन्।
साफ च्याम्पियनशिप आउँदो असार ६ देखि १८ गतेसम्म भारतमा हुनेछ।
यो संस्करणमा कुवेत र लेबनानले आमन्त्रित टोलीको रूपमा खेल्ने छन्।
