एजेन्सी । एकदिवसीय विश्वकप २०२३ को ३५ औँ खेल न्यूजिल्याण्ड र पाकिस्तानबीच बैंगलोरको एम चिन्नास्वामी स्टेडियममा जारी छ।
यस खेलमा न्युजिल्यान्डले पहिले ब्याटिङ गर्ने मौका पाएको थियो । न्युजील्याण्डका लागि २३ वर्षका ओपनिङ ब्याट्सम्यान रचिन रविन्द्रको ब्याटबाट उत्कृष्ट शतक प्रहार गरेका छन् ।
रविन्द्रले ९४ बलमा १०८ रनको शानदार इनिङ खेल्दै कैयौं कीर्तिमान तोडेका छन् ।
रविन्द्रले डेब्यु विश्वकपमै तीन शतक प्रहार गर्ने कीर्तिमान पनि हासिल गरेका छन् ।
यस खेलमा कप्तान केन विलियम्सन फर्किएपछि न्यूजिल्याण्डको टोलीले रचिन रविन्द्रलाई ओपनिङ ब्याट्सम्यानको रुपमा खेल्ने निर्णय गरेको थियो । रविन्द्रले सुरुदेखि नै पाकिस्तानी बलरलाई दबाब दिए र डेभन कोनवेसँग पहिलो विकेटका लागि ६८ रनको द्रुत साझेदारी गरे।
यसपछि रविन्द्रले कप्तान विलियम्सनसँग दोस्रो विकेटका लागि १८० रनको साझेदारी गर्दै यो विश्वकपमा आफ्नो तेस्रो शतक पनि पूरा गरे ।
२५ वर्षमुनिको विश्वकपमा सबैभन्दा धेरै शतक प्रहार गर्ने क्रममा रचिन रविन्द्रले २ शतक प्रहार गर्ने सचिन तेन्दुलकरको कीर्तिमान पनि तोडेका छन् ।
रचिनले आफ्नो डेब्यू विश्वकपमा अहिलेसम्म ५२३ रन बनाएका छन् र यो मामिलामा उनी अब २०१९ विश्वकपमा ५३२ रन बनाएका जोनी बेयरस्टोभन्दा पछाडि छन्। रचिन अब आफ्नो पहिलो विश्वकपमा ५०० भन्दा बढी रन बनाउने सबैभन्दा कान्छा खेलाडी बनेका छन् ।
