एजेन्सी । आईसीसी एकदिवसीय विश्वकप २०२३ मा भारतीय टोलीलाई ठूलो झट्का लागेको छ । भारतीय टिमका स्टार अलराउन्डर हार्दिक पाण्ड्या चोटका कारण विश्वकप २०२३ बाट बाहिरिएका छन् ।
उनको स्थानमा प्रसिद्ध कृष्णलाई भारतीय टोलीमा समावेश गरिएको छ । विश्वकपबाट बाहिरिएपछि स्टार अलराउन्डर हार्दिक पाण्ड्याको पहिलो प्रतिक्रिया सार्वजनिक भएको छ । हार्दिकले आफ्नो इन्स्टाग्राम अकाउन्टमा पोस्ट सेयर गर्दै आफ्नो भावना व्यक्त गरेका छन् ।
टीम इण्डियाका स्टार अलराउन्डर हार्दिक पाण्ड्याले आफ्नो आधिकारिक इन्स्टाग्राम खातामा एक पोस्ट सेयर गरेका छन् र लेखेका छन् – म विश्वकपका बाँकी खेलहरूबाट बाहिर भएको तथ्यलाई पचाउन गाह्रो भएको छ । म पूर्ण जोशका साथ टोलीसँग हुनेछु र प्रत्येक खेलको प्रत्येक बलमा टोलीलाई समर्थन गर्नेछु । सबैको शुभकामना, माया र साथको लागि मेरो हृदयदेखि नै धन्यवाद । हाम्रो टोली विशेष छ र म विश्वस्त छु कि हामी सबैलाई गर्व गर्नेछौं ।’
बंगलादेश विरुद्धको खेलमा हार्दिक पाण्ड्या आफ्नो पहिलो ओभर बलिङ गर्दा घाइते भएका थिए । उक्त खेलमा उनले ३ बल मात्र बलिङ गर्न सकेका थिए । हार्दिकले ४ रन जोगाउन खुट्टाले बल रोक्न खोजेका थिए तर त्यही क्रममा बायाँ खुट्टामा चोट लागेपछि उनले खेल छाड्नुपरेको थियो ।
