काठमाडौँ। टी–२० विश्वकप एसिया छनोट फाइनलमा नेपाल ओमानसँग पराजित भएको छ। नेपाल ओमानसँग ५ रनले पराजित भएको हो।
नेपालले निर्धारित ओभरमा सबै विकेट गुमाउँदै १४० रन जोड्न सक्यो। नेपालको लागि सर्वाधिक रन विवेक यादवले जोडे। २४ बलमा ३९ रन जोडेर नेपाललाई खेलमा फर्काएका थिए। त्यस्तै, कुशल भुर्तेलले २६ रन, करण केसीले १५ रन, सोमपाल कामी, रोहित पौडेल र सन्दीप जोराले समान १२–१२ रन जोडे। कुुशल मल्ल १० रन जोडेर आउट भए भने आशिफ शेखले ५ रन, गुल्शन झाले ३ रन, सन्दीप लामिछानेले २ रन र अभिानाश बाहोराले १ रन जोडे।
बलिङतर्फ बिलाल खानले आशिफ, विवेक र करणलाई आउट गरे। साकेल अमेदले सोमपाल र सन्दीप, मेहरान खानले भुर्तेल र मल्ललाई, आक्विव लेयसले रोहित र गुल्सनलाई आउट गरे भने जेसन माकसुदले सन्दीप जोरालाई आउट गरे।
सुरुमा ब्याटिङ गरेको ओमानले निर्धारित २० ओभरमा ९ विकेट गुमाउँदै १४५ रन जोडेको थियो। ओमानका लागि कप्तान जिसन मक्सदले सर्वाधिक ३२ रन जोड्न सफल भए। त्यस्तै नसिम खुसीले २५ रन जोडे भने, प्रतीक अथावालेले २४ रन जोडे। सकिल अहमेदले २२ रनको योगदान गरे।
नेपालका लागि करण केसीले ३ विकेट लिए। त्यस्तै सोमपाल कामी र सन्दीप लामिछानेले दुई–दुई विकेट लि ए भने गुल्शन झा र अविनाश बोहोराले एक–एक विकेट लिए ।
ओमानसँग पराजित भएको नेपाल समूह उपविजेता बनेको छ भने फाइनल प्रवेशको लागि अब युएईसँग प्रतिस्पर्धा गर्नेछ।
