आइसीसी टी २० विश्वकप एसिया छनोटः आज नेपाल भर्सेस ओमान

काठमाडौँ । उच्च लयमा रहेको नेपालले आइसीसी टी २० विश्वकप एसिया छनोटको समूह चरणमा ओमानसँग प्रतिस्पर्धा गर्दैछ ।

आज बिहान ९ बजे त्रिवि क्रिकेट मैदानमा नेपाल र ओमानबीचको खेल हुनेछ ।

लगातार दुई खेलमा जित हात पारेको नेपाल ओमानलाई पराजित गर्दै समूह ए बाट समुह विजेता बन्ने दाउमा रहेको छ ।

दुवै टोलीले सेमिफाइनलमा स्थान बनाइसकेका छन् ।

आजको खेलको नतिजाले समुह विजेताको टुंगो लाग्नेछ ।

टी–२० मा नेपाल र ओमानबीच हालसम्म चार खेल भएका छन् जसमध्ये नेपाल तीनपटक जित हात पारेको छ भने ओमान एक पटक जितेको छ ।