एजेन्सी । पाकिस्तान क्रिकेट टोलीले विश्वकप २०२३ मा आज दक्षिण अफ्रिकासँग खेल्दैछ । यो खेल चेन्नईको एमए चिदम्बरम स्टेडियममा दिउँसो २ बजेबाट सुरु हुनेछ । हारको ह्याट्रिक खेपेको पाकिस्तानी टोलीका लागि यो गर या मरको खेल हुनेछ ।
यो खेल पनि हारेमा भने पाकिस्तानको नकआउटको सम्भावना मात्रै बन्द हुने छैन, बाबर आजमको कप्तानी पनि खत्तम हुन सक्छ ।
पाकिस्तानलाई जित्नै पर्ने दबाब रहेको छ । बाँकी चार खेलमध्ये कम्तिमा दुई खेल अष्ट्रेलियाले हारोस् भन्ने प्रार्थना पनि गर्नुपर्ने हुन्छ ।
एमए चिदम्बरम स्टेडियमको पिच निकै सन्तुलित मानिन्छ । यसले ब्याट्सम्यान र बलर दुवैलाई मद्दत गर्छ। पिच सुख्खा रहने अपेक्षा गरिएको छ र स्पिनरहरूले यहाँ धेरै मद्दत पाउन सक्छन्।
यस मैदानमा पाकिस्तान गानिस्तानसँग पराजित भएको थियो।
एमए चिदम्बरम स्टेडियममा अहिलेसम्म २७ ओडिआई खेल भएका छन् । यस अवधिमा पहिले ब्याटिङ गर्ने टोलीले १५ खेल जितेको छ भने पछि ब्याटिङ गर्ने टोलीले ११ खेल जितेको छ ।
यस मैदानमा पहिले ब्याटिङ गर्दाको औसत स्कोर २३६ रन छ । योसँगै दुई टोलीबीच हालसम्म खेलेका ८२ खेलमध्ये दक्षिण अफ्रिकाले ५१ र पाकिस्तानले ३० खेलमा जित निकालेको छ ।
