एजेन्सी । एकदिवसीय विश्वकप २०२३ मा भारत र बंगलादेशबीचको खेल आज हुदैँछ । टीम इन्डिया निकै राम्रो लयमा छ । भारतीय टोलीले एकदिवसीय विश्वकपमा अहिलेसम्म तीन खेल खेलेको छ र तीनवटै जित निकालेको छ र अंक तालिकाको दोस्रो स्थानमा छ।
२०२३ को एकदिवसीय विश्वकपमा भारतीय बलर र ब्याट्सम्यानले उत्कृष्ट प्रदर्शन गरिरहेका छन् ।
एकदिवसीय विश्वकप क्रिकेटमा भारत र बंगलादेशबीच चार खेल भइसकेका छन् जसमा तीन खेलमा भारत र एक खेलमा बंगलादेश विजयी भएको छ ।
ओपनिङ जोडी यस्तो हुन सक्छ
पाकिस्तानविरुद्ध रोहित शर्मासँग ओपनिङ गर्न आएका थिए शुभमन गिल । उनले पहिलो ओभरमा उत्कृष्ट चौका प्रहार गरेका थिए । तर, उनले आफ्नो राम्रो सुरुवातलाई ठूलो इनिङ्समा परिणत गर्न सकेका थिएनन् । अर्कोतर्फ रोहित शर्माले विस्फोटक ढंगले रन बनाएका थिए । उनको कारणले नै भारतीय टोली खेल जित्न सफल भएको थियो । उनले ८६ रनको इनिङ खेले । तर, गिलले रोहितसँग ओपन गर्न सक्छन् ।
भारतका स्टार ब्याट्सम्यान विराट कोहली तेस्रो नम्बरमा आउन सक्छन् । उनीसँग केही बलमा खेलको दिशा बदल्ने क्षमता छ । उनी भारतीय ब्याटिङ आक्रमणको मुख्य आधार हुन् ।
श्रेयस अय्यर चौथो नम्बरमा छन् । उनले पाकिस्तानविरुद्धको खेलमा उत्कृष्ट अर्धशतक बनाएका थिए र राम्रो फर्ममा देखिएका थिए। केएल राहुलले विकेटकिपरको जिम्मेवारी लिन सक्नेछन् । स्टार अलराउन्डर हार्दिक पाण्ड्याले छैठौं नम्बरमा मौका पाउन सक्नेछन् ।
फास्ट बलिङ आक्रमणको जिम्मेवारी जसप्रित बुमराहले सम्हाल्नेछन् । उनले एकदिवसीय विश्वकपमा अहिलेसम्म उत्कृष्ट बलिङ गर्दै ८ विकेट लिएका छन् । मोहम्मद सिराजले उनलाई साथ दिने मौका पाउन सक्छन् । शार्दुल ठाकुर अहिलेसम्म पुरानो फर्ममा छैनन् । योसँगै बंगलादेशको टोलीमा अधिकांश बायाँ हाते ब्याट्सम्यान छन् । यस्तो अवस्थामा रविचन्द्रन आश्विनलाई मौका मिल्न सक्छ । कुलदीप यादव र रविन्द्र जडेजाले स्पिन विभागको जिम्मेवारी लिन सक्नेछन् ।
