एकदिवसीय विश्वकपमा वर्षाका कारण खेल रद्द भए के हुन्छ ?

एजेन्सी । भारतमा एकदिवसीय विश्वकप जारी छ । यस विश्वकपमा पनि अघिल्लो संस्करण जस्तै राउण्ड रोबिन चरणमा १० टोलीले ४५ खेल खेल्नेछन् । जसमध्ये ४ टोली सेमिफाइनलमा पुग्नेछन् ।

लिग चरणको खेल वर्षा वा अन्य कारणले रद्द भएमा दुवै टोलीले १–१ अंक पाउनेछन् । यदि सेमिफाइनल र फाइनल रद्द भएमा, अर्को दिन रिजर्भ डे हुनेछ । नकआउट खेल रोकिएको स्थानबाट रिजर्भ डेमा सोही स्कोरका साथ खेल सुचारु हुनेछ ।

रिजर्भ डे पनि रद्द भयो भने के हुन्छ ?

रिजर्भ डेमा पनि सेमिफाइनल खेल सकिएन भने अंक तालिकामा राम्रो स्थानमा रहेको टोली फाइनलमा पुग्नेछ । रिजर्भ डेमा पनि फाइनल खेल सम्पन्न हुन नसकेमा दुवै टोलीलाई संयुक्त विजेता मानिनेछ र विजेताको ट्रफी बाँडिनेछ ।