अन्तिम समयमा दुई गोल गर्दै युनाइटेडको रोमाञ्चक जित

एजेन्सी । इंग्लिस प्रिमियर लिग फुटबलमा म्यान्चेस्टर युनाइटेडले रोमाञ्चक जित निकालेको छ ।

गएराति भएको खेलमा युनाइटेडले ब्रेन्टफोर्डलाई २–१ गोलले पराजित गरेको हो । घरेलु मैदान वल्र्ड ट्राफोर्डमा भएको खेलको २६ औं मिनेटमा ब्रेन्टफोर्डका माथिएस यनसेनले गोल गरेपछि युनाइटेड ०–१ गोलले पछि परेको थियो ।

तर, अन्तिम समयतिर युनाइटेडले दुई गोल फर्कायो । बैकल्पिक खेलाडीका रुपमा आएका स्कट मकटोमिनेले नै दुबै गोल गर्दै युनाइटेडलाई ३ अंक जुटाए । उनले इन्जुरी समयको ९०+३ र ९०+७ मिनेटमा गोल गरे ।

जितसँगै ८ खेलबाट १२ अंक जोडेको युनाइटेड तालिकाको १० औं स्थानमा छ । ब्रेन्टफोर्ड समान खेलबाट ७ अंकका साथ १४ औं स्थानमा छ ।