एजेन्सी । दक्षिण अफ्रिकाले विश्वकपमा सानदार सुरुवात गरेको छ । शनिबार अक्टोबर ७ मा भएको पहिलो खेलमा टोलीले श्रीलंकालाई १०२ रनको ठूलो अन्तरले पराजित गर्यो ।
यो प्रतियोगितामा श्रीलंकामाथि दक्षिण अफ्रिकाको सबैभन्दा ठूलो जित हो । यसअघि यो कीर्तिमान ८९ रनको थियो ।
दिल्लीको अरुण जेटली रंगशालामा शनिबार भएको खेलमा श्रीलंकाले टस जितेर फिल्डिङ रोजेको थियो । टस हारेर ब्याटिङ गर्न आएको दक्षिण अफ्रिकाले निर्धारित ५० ओभरमा ५ विकेट गुमाएर ४२८ रनको विशाल स्कोर बनायो ।
यो एकदिवसीय विश्वकप इतिहासमा अहिलेसम्मकै उच्च स्कोर हो । दक्षिण अफ्रिकाका लागि रस्सी भान डेर डुसेन ९१०८ रन०, क्विन्टन डी कक ९१०० रन० र एडेन मार्कराम ९१०६ रन० ले शतकीय पारी खेले।
मार्करामले विश्वकप इतिहासमा सबैभन्दा छिटो शतक बनाए । उनले आफ्नो एकदिवसीय करियरको तेस्रो शतक ४९ बलमा पूरा गरे ।
क्विन्टन डी ककले आफ्नो एकदिवसीय करियरको १८ औं शतक प्रहार गरे । उनले ८४ बलमा १०० रनको इनिङ खेले । डी ककको इनिङ्समा १२ चौका र ३ छक्का समावेश थियो ।
रस्सी भान डेर डुसेनले आफ्नो ओडीआई करियरको पाँचौ शतक प्रहार गरे । उनी ९८.१८ को स्ट्राइक रेटमा ११० बलमा १०८ रन बनाएर आउट भए । उनको इनिङ्समा १३ चौका र २ छक्का समावेश थियो ।
यस्तै, हेनरिक क्लासेनले २० बलमा ३२ रन जोडे भने डेभिड मिलर २१ बलमा ३९ तथा मार्को यानसेन ७ बलमा १२ रनसहित अविजित रहे ।
४२९ रनको लक्ष्य पछ्याउन आएको श्रीलंकाको टोली ४४.५ ओभरमा ३२६ रन बनाएर अलआउट भएको थियो । श्रीलंकाको टोलीले दोस्रो ओभरमा एक रनमै पहिलो विकेट गुमाएको थियो । यहाँबाट कुसल परेराले विस्फोटक पारी खेले । टोलीले १० ओभरमा दुई विकेट गुमाएर ९४ रन बनाएको थियो । मेन्डिस अविजित रहे ।
एक रनमा निसान्काको विकेट गुमाएपछि कुसल मेन्डिस र कुसल परेराले श्रीलंकाको इनिङ्सलाई सम्हालेका थिए । दुवैले ४० बलमा ६६ रनको साझेदारी गरे । यो साझेदारी यान्सनले तोडेका थिए । उनले परेरालाई बोल्ड गरे ।
