च्याम्पियन्स लिग: बार्सिलोनाकाे कठिन जित

एजेन्सी । गएराति भएको च्याम्पियन्स लिगमा बार्सिलोनाले पोर्तोमाथि कठिन जित निकालेको छ । समुह एचको खेलमा बार्सिलोनाले पोर्तोलाई १-० गोलले पराजित गर्न सफल भएको हो ।

बार्सिलोनालाई जित दिलाउन फेरान टोरेजले पहिलो हाफको अन्तिम समयमा गोल गरे ।

खेलको अन्तिम समयमा बार्सिलोना १० जना खेलाडीमा सिमित भएको थियो ।

खेलको ९३ औँ मिनेटमा गाभीले रातो कार्ड पाएका थिए ।

योसँगै बार्सिलोना ६ अंककासाथ समुह एचको शिर्षस्थानमा रहेको छ । पोर्तो तीन अंकका साथ दोस्रो स्थानमा रहेको छ ।