Techie IT
२०८१ चैत्र २२, शुक्रबार
NepaliPatra logo
गृहपृष्ठखेलश्रीलंकालाई ४१ रनले हराउँदै भारत एसिया कपको फाइनलमा

श्रीलंकालाई ४१ रनले हराउँदै भारत एसिया कपको फाइनलमा


एजेन्सी । भारत एसिया कप २०२३ को फाइनलमा प्रवेश गरेको छ । भारतले आफ्नो दोस्रो सुपर–४ खेलमा साविक विजेता श्रीलंकालाई ४१ रनले पराजित गर्दै एक खेल अगावै फाइनलमा स्थान बनाएको हो ।

२१४ रनको लक्ष्य पछ्याएको श्रीलंकाको टोलीको सुरुवात खराब रह्यो । टोलीले तेस्रो ओभरमा पथुम निसाङ्का (६ रन)को विकेट गुमाएको थियो ।

कुसल मेन्डिस (१५ रन)ले इनिङ्स सम्हाल्ने प्रयास गरे तर उनी पनि ७ औं ओभरमा बुमराहको शिकार बने । ८ औं ओभरमा मोहम्मद सिराजले दिमुथ करुणारत्ने (२ रन)लाई पेभिलियन पठाए । श्रीलंकाले पहिलो १० ओभरमा ३९ रन बनाएर ३ विकेट गुमाएको थियो ।

त्यसअघि भारत ४९.१ ओभरमा २१३ रन बनाएर अलआउट भयो । एकदिवसीय इतिहासमा पहिलो पटक, टोलीले स्पिनरहरूविरुद्ध सबै १० विकेट गुमायो । श्रीलंकाका बायाँ हाते स्पिनर डुनिथ भेलालागेले ५ विकेट लिए भने अफ स्पिनर चारिथ असालान्काले ४ विकेट लिए । मिस्ट्री स्पिनर महिश तिक्षणाले एक विकेट लिए ।

भारतीय कप्तान रोहित शर्माले सर्वाधिक ५३ रन बनाए । रोहितले आफ्नो एकदिवसीय करियरको ५१ औं अर्धशतक बनाएका थिए । उनले एकदिवसीयमा १० हजार रन पनि पूरा गरेका छन् । रोहितका अलावा केएल राहुलले ३९ रन र विकेटकिपर इशान किशनले ३३ रनको योगदान दिए । अक्षर र सिराजले अन्तिम विकेटका लागि २६ रनको साझेदारी गरे ।

भारत र श्रीलंकाको खेल वर्षाका कारण रोकिएको थियो । साँझ ६ बजेर ४० मिनेटमा पानी परेपछि भारतीय इनिङ्समा ४७ ओभर बलिङ गरिएको थियो र खेल रोकिनुपरेको थियो । केही समयपछि पानी रोकिएपछि खेल फेरि ७ः३० बजे सुरु भयो । तर, अम्पायरहरूले ओभर न काट्ने निर्णय गरे र इनिङ्सको ब्रेक टाइम १० मिनेटमा घटाए ।

शीर्ष क्रम पेभिलियन फर्किएपछि विकेटकिपर केएल राहुल र इशानले भारतको इनिङ्सलाई सम्हालेका थिए । दुवैले सावधानीपूर्वक ब्याटिङ गर्दै टोलीको स्कोर १०० बाट १५० मा पुर्याएका थिए । राहुल ४४ बलमा ३९ रन बनाएर आउट भए र दुवैबीचको अर्धशतकीय साझेदारी टुट्यो । राहुल र इशानले ८९ बलमा ६३ रनको साझेदारी गरे । राहुलपछि इशान किशन पनि ६१ बलमा ३३ रन बनाएर चरित असलंकाको शिकार बने ।

भारतीय कप्तान रोहित शर्मा र शुभमन गिलले ६७ बलमा ८० रनको ओपनिङ साझेदारी गरे । यो साझेदारी डुनिट भेलालागेले गिललाई बोल्ड गरेर तोडेका थिए ।

भारतले अब शुक्रबार बंगलादेशसँग तथा श्रीलंकाले बिहीबार पाकिस्तानसँग प्रतिस्पर्धा गर्नेछ । पाकिस्तान र श्रीलंकाबीचको खेल रोचक बन्ने भएको छ । उक्त खेलको विजेता टोली नै फाइनलमा पुग्नेछ ।

 




ग्लोबल नेपालीपत्रमा प्रकाशित कुनै समाचारमा तपाईंको गुनासो भए हामीलाई info@nepalipatra.com मा इमेल गर्न सक्नुहुनेछ । साथै तपाई आफ्नो बिजनेश प्रवद्र्धन गर्न चाहनुहुन्छ भने sales@nepalipatra.com सम्पर्क गर्न सक्नुहुनेछ । हामीसँग तपाईं फेसबुकट्विटरमा पनि जोडिन सक्नुहुन्छ ।



तपाईको प्रतिक्रिया दिनुहोस


थप समाचार

हङकङमा हुने चार देशीय क्रिकेट शृङ्खलाको खेल तालिका सार्वजनिक

काठमाडाैँ । हङकङमा हुने चार देश सम्मिलित टी–२० क्रिकेट श्रृंखलाको खेल तालिका सार्वजनिक भएको छ । नेपाल क्रिकेट संघ (क्यान)का

आर्मीलाई हराउँदै राष्ट्रिय महिला फुटबल प्रतियोगिताको उपाधि एपीएफलाई

काठमाडाैँ । राष्ट्रिय महिला फुटबल प्रतियोगिताको उपाधि एपीएफ फुटबल क्लबले जितेको छ । चितवनकाे भरतपुरमा रहेको कृष्णपुर मैदानमा भएको फाइनलमा

ललितपुर महानगरले मेयर कप भलिबल आयोजना गर्दै

काठमाडौं । ललितपुर महानगरपालिकाको आयोजनामा मेयर कप महिला तथा पुरुष भलिबल प्रतियोगिता आगामी चैत १० गतेदेखि शुरु हुने भएको छ

साग स्वर्ण पदक विजेता विप्लवको सन्न्यास घोषणा

काठमाडाैँ । १३औं दक्षिण एशियाली खेलकुद सागका स्वर्ण विजेता करातेका खेलाडी विप्लवलाल श्रेष्ठले सन्नयास घोषणा गरेका छन् । गएको वर्ष

५ करोड ५० लाख लगानीमा प्रशिक्षण केन्द्र सञ्चालन

बागलुङ । बागलुङमा ५ करोड ५० लाख लगानीमा प्रशिक्षण केन्द्र सञ्चालनमा ल्याइएको छ । चार जना भुतपूर्व बेलायती र दुई

महिला टी–२० मा नेपालले हरायो हङकङलाई

काठमाडौं । युगान्डामा जारी वुमन्स डे महिला टी–२० अन्तर्राष्ट्रिय क्रिकेट प्रतियोगिता अन्तर्गत आज भएको खेलमा नेपालले हङकङलाई ६ विकेटले पराजित

Techie IT