काठमाडौँ। नेपालले बहराइनमाथि १० विकेटको शानदार जित निकालेको छ। आइसीसी वुमन्स टी– २० विश्वकप एसिया क्षेत्र छनोटको आफ्नो दोश्रो खेलमा नेपालले बहराइनमाथि १० विकेटको जित निकालेको हो।
बहराइनले लिएको ३२ रनको सामान्य विजयी लक्ष्य नेपालले कुनै पनि विकेट नगुमाई भेट्टाएको हो। नेपालको जितमा कविता कुँवर १७ रन र सीता राना मगरले २ रनको योगदान गरे।
यसअघि टस जितेर पहिले ब्याटिङ गरेको बहराइनले १५ ओभर ४ बलमा सबै विकेट गुमाएर ३१ रन बनायो। बहराइनका लागि दिपिका रासाङ्गिकाले सर्वाधिक ११ रन जोडिन्। इशारा सुहुनले ५ रन बनाइन्।
नेपालका लागि इन्दु वर्माले ३, खुसी डंगोलले २ तथा कप्तान रुविना क्षेत्री, कविता कुँवर र पूजा महतोले एक–एक विकेट हात पारे।
यसअघि २०१९ मा दक्षिण एसियाली खेलकुदमा नेपालले माल्दिभ्सलाई पोखरा क्रिकेट मैदानमा १६ रनमा अलआउट गर्दै १० विकेटको जित निकालेको थियो।
