काठमाडौँ। साफ यू–१६ च्याम्पियनसिप २०२३ का लागि नेपाली यू–१६ राष्ट्रिय फुटबल टोलीको घोषणा भएको छ।
नेपाली टिमका मुख्य प्रशिक्षक रवीन्द्र सिलाकारले सोमबार च्याम्पियनसिपका लागि २३ सदस्यीय अन्तिम टोली घोषणा गरेका हुन्। भुटानमा हुने तालिका रहेको च्याम्पियनसिप सेप्टेम्बर १ देखि १० सम्म हुनेछ।
च्याम्पियनसिपको समूह ‘ए’मा रहेका नेपालसँगै भारत र बंगलादेश छन्।
खेल १ देखि १० सेप्टेम्बरसम्म भुटानको थिम्पुमा हुनेछ।
नेपाली टिमः
गोलकिपरः विषेश बानियाँ, पेम्बा नुरबु भोटे, भक्तबहादुर परियार
डिफेन्डरः एकराज विश्वकर्मा, किशन थापा, अरविन्दकुमार धामी, भुवन कामी, प्रशान्त मोक्तान, निशानराज लवोत, किशोरकुमार दानवर, शरण एस.के.
मिडफिल्डरः सुजल स्याङ्तान, राम थामी, पेम्बा तामाङ, गणेश पुलामी मगर, विनायक थारु, सुवास बम, लक्ष्मण थामी, डिलन लिम्बू
फरवार्डः सन्तोष गोङ्वा, रोहित श्रेष्ठ, हिमेश माझी, दर्शन अधिकारी
