रवि लामिछानेको प्रश्नः यो संसद ३ दलले बन्धक बनाउन मिल्छ?

काठमाडौँ। राष्ट्रिय स्वतन्त्र पार्टी (रास्वपा)का सभापति रवि लामिछानेले यो संसद ३ दलले बन्धक बनाउन मिल्छ भनेर प्रश्न गरेका छन्। जनताका मुद्दा यथावत छाडेर नेताको स्वार्थमा संसद रोक्ने काम भइरहेको भन्दै उनले आपत्ति जनाएका हुन्।

बैठकमा बोल्दै उनले भने, ‘यो संसद ३ दलले बन्धक बनाउन मिल्छ? उनीहरुले जे गर्‍यो त्यही हो? अरु माननीय चाहिँ केही होइन?’

संसदमा विभिन्न कानुन विचाराधीन अवस्थामा रहेको भन्दै सभापति लामिछानेले ती कानुनमाथि छलफल गर्न छाडेर नेताको स्वार्थमा संसदलाई बन्धक बनाइएको उनको आरोप छ।

त्यस्तै, उनले प्रधानमन्त्री पुष्पकमल दाहाल प्रचण्डको अभिव्यक्ति घोर आपत्तीजनक भएको बताए। ‘प्रधानमन्त्रीले दिएको अभिव्यक्ति घोर आपत्तीजनक छ। त्यसका लागि प्रधानमन्त्रीले स्पष्टिकरण दिनुर्छ। खुलेर सदनमा जवाफ दिनुपर्छ।’