कोसीका मुख्यमन्त्री थापासहित दुई मन्त्रीद्वारा शपथ ग्रहण

विराटनगर । कोसी प्रदेशका नवनियुक्त मुख्यमन्त्री उद्धव थापाले पद तथा गोपनीयताको शपथ लिएका छन् । प्रदेश प्रमुख पर्शुराम खापुङसमक्ष मुख्यमन्त्री थापाले शपथग्रहण गरेका हुन् ।

नवनियुक्त मुख्यमन्त्री थापाले दुई बिना विभागीय मन्त्रीसहित शपथ लिएका हुन् ।

मन्त्रीमण्डलमा नेकपा (एकीकृत समाजवादी)बाट पाँचथरका कमलप्रसाद जबेगू र नेपाली कांग्रेसबाट ओखलढुंगाका प्रदीप सुनुवार मन्त्री नियुक्त भएका छन् । उनीहरुको कार्यविभाजन बाँकी रहेकोले बिना विभागीय मन्त्रीका रुपमा शपथ ग्रहण गरेका हुन् ।

नेपाली कांग्रेस कोशी प्रदेश संसदीय दलका नेता थापा विहीबार नेपालको संविधानको धारा १६८ को उपधारा (२) बमोजिम कोशी प्रदेशको मुख्यमन्त्रीमा नियुक्त भएका हुन् ।