कांग्रेसका शीर्ष नेताहरुको बैठक बस्दै

काठमाडौँ। नेपाली कांग्रेसका शीर्ष नेताहरुको बैठक बस्दैछ। सभापति शेरबहादुर देउवाको निवास धुम्बाराहीमा शीर्ष पाँच नेताहरुको बैठक बस्न लागेको हो।

बैठकमा सभापति शेरबहादुर देउवा, उपसभापतिहरु धनराज गुरुङ र पूर्णबहादुर खड्का तथा महामन्त्रीहरु गगनकुमार थापा र विश्वप्रकाश शर्मा सहभागी हुनेछ। पार्टीका कार्यवाहक मुख्यसचिव प्रदीप पराजुलीका अनुसार भोलि बोलाइएको जिल्ला सभापतिको भेलाका सन्दर्भमा सभापति, उपसभापतिद्वय र महामन्त्रीद्वयबीच छलफलका हुने भएको हो।

बैठकले जिल्ला सभापतिको छलफलको एजेण्डा तय गर्नेछ। त्यस्तै, जिल्ला सभापतिसँग क्रियाशील सदस्यता, नयाँ सदस्यता र जिल्लाको वर्तमान वस्तुस्थितिबारे छलफलको एजेन्डा हुनेछ।