जनमत पार्टीले केन्द्रीय समितिको बैठक बोलायो

काठमाडौँ। सीके राउत नेतृत्वको जनमत पार्टीले केन्द्रीय समितिको बैठक बोलाएको छ। सरकारलाई दिएको समर्थन लगायतका विषयमा छलफल गर्न पार्टीले बैठक बोलाएको हो।

बैठक जेठ १२ गते बिहान ७ बजेदेखि कोटेश्वरस्थित होटल तपोवनमा बोलाएको हो। बैठकले केन्द्र सरकार र मधेश प्रदेश सरकारलाई पार्टीले दिएको समर्थनबारे छलफल गर्नेछ।

केन्द्र सरकारबाट बाहिरिए पनि जनमतले समर्थन भने फिर्ता लिएको छैन। मधेश सरकारमा भने ऊ आफू पनि सहभागी छ।