एमाले सचिवालय बैठक बस्दै

काठमाडाैँ । नेकपा एमालेले आज केन्द्रीय सचिवालय बैठक आह्वान गरेको छ ।

पार्टी कार्यालय च्यासलमा दिउँसो साढे १२ बजे बस्नेगरी बैठक बोलाएको हो । केन्द्रीय कमिटी बैठकका एजेन्डा र राष्ट्रिय राजनीति बारे छलफल गर्न बैठक बोलाइएको नेताहरुले बताएका छन् ।

एमालेले केन्द्रीय समिति बैठक पुस २१ र २२ गते बस्ने तय भएको छ । यस अघि पुस १० गते बसेको सचिवालय बैठकले भीम रावललाई पार्टी बाट निष्कासन गरेको थियो । बैठकले स्थायी कमिटी सदस्य बिन्दा पाण्डे र उषाकिरण तिम्सिनालाई पनि कारबाही गरेको थियो ।

दुवै जनालाई ६ महिनाका लागि जिम्मेवारी बाट हटाइएको हो ।