माओवादी केन्द्रको पदाधिकारी बैठक बस्दै

काठमाडौँ । प्रमुख प्रतिपक्ष दल नेकपा माओवादी केन्द्रको पदाधिकारी बैठक आज (मंगलबार) बस्दै छ ।

सोमबार दिउँसो १ बजे पार्टी केन्द्रीय कार्यालय पेरिसडाँडामा बस्ने भनिएको बैठक पूर्वसभामुख दमननाथ ढुंगानाको निधनको शोक र नेताहरूको व्यस्तताका कारण स्थगन गरिएको थियो । सोही बैठक आज अपराह्न ४ बजे बस्न लागेको हो ।

बैठकमा स्थानीय तहको उपनिर्वाचनमा तालमेल लगायतका विषयमा छलफल हुने बताइएको छ । त्यस्तै, केन्द्रीय कमिटी बैठकको तयारी, पार्टीको विधान लगायत बैठकका एजेन्डा रहेको माओवादी केन्द्रले जनाएको छ ।